Námskeið

Skráningartími liðinn

EMT 39, 2019 Streymisnámskeið í sjúkraflutningum, Reyðarfjarðarhópur

Umsjónarmaður:

Ingólfur Birgir Bragason

Tengiliður:

Ingimar Eydal

Tímabil:

08/02/2019 - 06/04/2019

Sími:

4630853

Skráningu lýkur:

16/11/2018

Netfang:

ie1214@sak.is

Verð:

350000 kr.

Lengd í klst.:

261 klst.

Lágmarksfjöldi:

12 manns

Staðsetning:

Bóklegur hluti námskeiðs verður í gegnum Moodle kennslukerfis Verkmenntaskólans Akureyri á netinu. https://moodle.vma.is Verklegar lotur verða alls fimm, yfirleitt 2-3 dagar í senn, fim-fös-lau í Slökkvistöðinni á Reyðarfirði.

Markmið:

Að nemendur verði færir um að tryggja öryggi á vettvangi og meta ástand sjúklings. Þeir þurfa einnig að geta meðhöndlað og flutt sjúkling(a) á viðeigandi hátt.

Námskeiðið er í grunninn byggt á viðurkenndum bandarískum EMT staðli (Emergency Medical Technician) og inniheldur bæði bóklega og verklega kennslu en er þó staðfært miðað við íslenskar aðstæður. Það er upphafið á heildarnámi sjúkraflutningamanna sem áætlað er að taki 3-4 ár.

Viðfangsefni:

Í fyrirlestrunum er m.a. fjallað um starf sjúkraflutningamanna, öryggi, sóttvarnir og heilsuvernd. líffæra- og lífeðlisfræði, lífsmörk, öndunarhjálp, endurlífgun, skoðun og mat, almenna flutningstækni, skráningu og skýrslugerð, fæðingarhjálp, meðhöndlun sára og áverka svo eitthvað sé nefnt. Nemendur fá einnig viðeigandi verklega þjálfun í ofangreindum kennsluþáttum. Nemendur þurfa að ljúka 48 klukkustunda starfsþjálfun hjá viðurkenndum rekstraraðila í sjúkraflutningum sem uppfylla kröfur um starfsþjálfun, auk 16 klukkustunda starfsþjálfunar á sjúkrahúsi og 4 tíma starfskynningu hjá Neyðarlínu.

Inntökuskilyrði:

Umsækjandi skal hafa lokið 60 eininga (100 f-einingar) námi í framhaldsskóla eða sambærilegu námi og hafa innan við tveggja ára gamalt skírteini í skyndihjálp, að lágmarki 8 kennslustundir.

Umsækjandi þarf að vera 18 ára á því ári sem nám er hafið. Rétt er að geta þess að flestir rekstraraðilar gera kröfu um að sjúkraflutningamenn séu 20 ára.

Ef fleiri sækja um en sæti leyfa er raðað eftir menntun og reynslu umsækjenda.

Þeir sem eru sendir á vegum rekstraraðila eða hafa meðmæli frá rekstraraðilum hafa forgang á námskeiðið.

Námsmat:

Grunnnámskeiðinu lýkur með prófi, bæði bóklegu og verklegu. Krafist er 75% árangurs í skriflegu prófi og nemendur skulu standast verkleg próf. Farið er fram á skyldumætingu í fyrirlestra og verklegar æfingar. Nemendur þurfa einnig að ljúka starfsþjálfun á sjúkrabílum, bráðamótttöku, Hjartagátt og hjá 112 og skila fullnægjandi starfsþjálfunarskýrslum. Að því loknu geta nemendur sótt um löggildingu til að hefja störf sem sjúkraflutningamenn með grunnmenntun.

Athugið að til þess að starfa sem sjúkraflutningamaður þar viðkomandi að hafa fengið löggildingu sem sjúkraflutningamaður.

Námsefni:

Emergency Care, 13/E

Limmer, O'Keefe, Grant, Murray, Bergeron & Dickinson

ISBN-10: 0134024559 • ISBN-13: 9780134024554

Athugið að kennslubókin eru ekki innifalin á námskeiðsverði en hægt að panta bæði á erlendum bókasölum en einnig hjá Bóksölu studenta. Panta þarf bókina með fyrirvara.

ISBN númerið er einskonar kennitala bókarinnar til að tryggja að um sé að ræða rétta bók. Kennslubókin hefur tvö ISBN númer, bæði í flokki 10 og 13 en þetta er sama bókin.

Skráningartími:

Síðasti skráningadagur er 15. nóvember 2018. Væntanlegir nemendur verða að skrá sig á vef skólans og senda gögn til staðfestingar inntökuskilyrðunum (ljósrit af einingafjölda (lágmark 60 einingar) og þátttöku á skyndihjálparnámskeiði).

Gögnin skulu hafa borist skólastjóra fyrir 20. nóvember 2018. Senda skal staðfest afrit af prófskirteini rafrænt á PDF formi á netfangið ie1214@sak.is eða á pappírsformi á eftirfarandi heimilisfang:

Sjúkraflutningaskólinn / Sjúkrahúsið á Akureyri
b.t. Ingimar Eydal, skólastjóri
Eyrarlandsvegi,
600 Akureyri.

Eftir að gögn hafa borist skólastjóra fer inntökunefnd í gegnum umsóknir. Þegar niðurstöður hennar liggja fyrir fá nemendur sem komast í námið upplýsingar um greiðslu staðfestingargjalds kr. 50.000 en greiðsla þarf að fara fram í síðasta lagi 31. desember 2018.

Annað: